طالب من الجامعة الهاشمية يرد على صاحبة الأمنيات

طالب من الجامعة الهاشمية يرد على صاحبة الأمنيات
2018-11-25

سما الاردن | بيجي الملك يزور جامعتي الي ضيعت من عمري ٥ سنين فيها وأنا للان مش قادر اتخرج لاني مُجبر اني اشتغل وادرس وأأجل فصول كثير من حياتي عشان الحياة في هالبلد بتتطلب منك هيك اي اشي بدك تعمله لازم تعاني فيه  ... مش مهم عادي انا موافق وراضي في هالحياة لانها مش عليّ بس لأ هي ع كل شباب البلد!

بس في زيارة ملك البلاد المُفدّى لما تختاروا طلاب يحكو بإسم الطلبة اجمعين لا تختاروا بنت تحكي انا في عندي ٣ طلبات نفسي يتحققوا وهم.
- اتصور معك
-وازور قصرك 
-وتزورني كمان مره 
* ويسعد قلبك!

عشان انا طلباتي مش هيك ، انا نفسي اعيش او بلاش اعيش بس لما اموت ما اموتش من الجوع.

انا نفسي اموت وانا انسان محقق كامل رغباتي في الحياة او حتى جزء منها انا نفسي اموت وانا انسان مش عبد منهك الحال!

يا جلالة سيدنا المُفدّى هذول الطلاب الي اختاروهم اختاروهم يحكوا بإسمي لانه معدلاتهم عاليه مش لانهم كويسين  .. هذولا في منهم منافقين يا سيدنا!

انا ما بدي اتصور معك لانه صورتي مش حلوه  ... وجهي اسود من الهموم ومن الجوع!

ولا بدي ازور قصرك لانه اذا بدي اجي بتاكسي عالقصر بضلش معي مصاري اداوم ثاني يوم عالجامعة.

انا معدلي ٢ ومعي انذار بس انا بعرف اطالب بحقي وبعرف اكون زلمه قدام الرجل الاول في البلد... ما بعرفش امسك مايكروفون واغني واحكي شعر.

تعليقات القراء

  • راكان العلي

    الله الله عكلامك .. ولا اروع

  • مؤلم هو حال شبابنا

  • البركة بالشباب ومش اي شباب اللهم أصلح حال وبال شباب الإسلام جميعا وحال وبال شبابنا بشكل خاص يارب العالمين وردهم إليك ردا جميلا .

  • صادق.... يسعد قلبك

  • كلام روعه ومنطق ويجب ان يكون الاختيار متدرج وليسى من ذوي المعداللات العاليه والطالبه الي حكت اسلوبها بمغص والطالب ماحكي شيء يستفيدو منه زملائه ولا فىة المعدومين للاسف

  • معه حق ممن يعانيه

  • والله الحق معك الله يعطيك ليرضيكي

  • من وقت ما اسمعت امنياتها ...عفوا منها أصغر بنت عندي 11سنة بتوقع تتمنى اشي له دخل بمستقبلها بوضعها بوضع اهلها بوضع البلد .....بتوقع أنه أمنيات هالصبية مثل خطبة الجمعة في مساجدنا ....والعفو منك مابتوقع أنهم اختاروها حسب المعدل

  • صدقت

  • صح لسانك ...

  • الله يفرج عنك

  • بوركت أيها النشمي .. أنت ابن الوطن الحق ...وانت من كان يجب ان يختار ليتحدث الى سيد البلاد... ليعرف احتياجاتك انت و امثالك من ابناء الوطن ... ولك ارفع القبعة ...هنيئا لأهلك بك....والله يوفقك

  • ام عمر

    فعلا صدقت.... مش اي طالب بمثل جميع الطلاب ... بدنا طلاب من نفس طبقتنا وحاسين بلوعة الحياه ومرارة الايام مثلنا ....

  • Manal

    الله محيي أصلك خيو فشيت غلنا وان شاء الله ردك عليها يوصل للملك

  • فعلاً وصفت واقع معظم الطلبة اطلب العون من الله وليس من عبيد الله الله يهونها عالجميع

تعليقات القراء

  • راكان العلي

    الله الله عكلامك .. ولا اروع

  • مؤلم هو حال شبابنا

  • البركة بالشباب ومش اي شباب اللهم أصلح حال وبال شباب الإسلام جميعا وحال وبال شبابنا بشكل خاص يارب العالمين وردهم إليك ردا جميلا .

  • صادق.... يسعد قلبك

  • كلام روعه ومنطق ويجب ان يكون الاختيار متدرج وليسى من ذوي المعداللات العاليه والطالبه الي حكت اسلوبها بمغص والطالب ماحكي شيء يستفيدو منه زملائه ولا فىة المعدومين للاسف

  • معه حق ممن يعانيه

  • والله الحق معك الله يعطيك ليرضيكي

  • من وقت ما اسمعت امنياتها ...عفوا منها أصغر بنت عندي 11سنة بتوقع تتمنى اشي له دخل بمستقبلها بوضعها بوضع اهلها بوضع البلد .....بتوقع أنه أمنيات هالصبية مثل خطبة الجمعة في مساجدنا ....والعفو منك مابتوقع أنهم اختاروها حسب المعدل

  • صدقت

  • صح لسانك ...

  • الله يفرج عنك

  • بوركت أيها النشمي .. أنت ابن الوطن الحق ...وانت من كان يجب ان يختار ليتحدث الى سيد البلاد... ليعرف احتياجاتك انت و امثالك من ابناء الوطن ... ولك ارفع القبعة ...هنيئا لأهلك بك....والله يوفقك

  • ام عمر

    فعلا صدقت.... مش اي طالب بمثل جميع الطلاب ... بدنا طلاب من نفس طبقتنا وحاسين بلوعة الحياه ومرارة الايام مثلنا ....

  • Manal

    الله محيي أصلك خيو فشيت غلنا وان شاء الله ردك عليها يوصل للملك

  • فعلاً وصفت واقع معظم الطلبة اطلب العون من الله وليس من عبيد الله الله يهونها عالجميع