الغارمات... وتجارة الجنس!!!

سما الاردن | (قصة واقعية جدا من سيدة اردنية تبحث عن من ينصفها) ما كانت (ام علي) عارفة بانه بعد وفاة زوجها الشاب بجلطة حياتها مع اولادها الأيتام الاتنين رح تكون صعبة.

صبية صغيرة بأول التلاتينيات لقت حالها لحالها بدون شهادة جامعية وبدون مصدر دخل ... التنمية تكرمت عليها وصرفولها ١٥٠ دينار ٥٠ منهم بروحوا ايجار غرفة ومطبخ وحمام، بتصارع بهالحياة هون وهناك ورماها الزمن على الدين غصب عنها لانها ما لقت مين يوقف معها، تدينت ٣٠٠ دينار واضطرت توقع فيهم شيك بقيمة ٤٠٠ دينار، صاحب الشيك بهدد بالفضيحة او ممكن تسكته "ازا عرفت ترضيه" بمسجات "يشيب لها شعر الرأس" من مستوى "سلكيني وبسلكك".

المستورة ما عندها أغلى من شرفها ومحصورة بين المطرقة والسندان والكلاب حواليها كتار الي "مستعدين ينفذوا كل طلباتها" ازا بتقبل "تنفذ رغباتهم".

بناتنا... اخواتنا.... امهاتنا عم بسيروا سلعة ... عم يتاجروا فيهم وبشرفهم، في ناس قد حالها وقادرة تقاوم وفي ناس الحال اكتر مما يمكن تقدر تتحمل بكفينا نحط راسنا بالرمل ... بناتنا مو بخير ... بناتنا عم يتاجر فيهم مقابل الجنس.

منقول عن صفحة الناشطة منال كشت.